þegar Tískublogginu gafst næstum því tækifæri á að sauma sín eigin merki í föt með aðstoð IceFashion Netverslunar

Hola lovers,

Ég held ég hafi áður rætt um það hér hvernig lífið getur komið manni á óvart. Og þegar manni bjóðast óvænt tækifæri þá finnst mér að maður eigi undantekningarlaust að slá til.

Þið getið því ímyndað ykkur gleði mína þegar Tískublogginu bárust eftirfarandi skilaboð á Facebook.

Titill: Hæhæ

Frá: IceFashion Netverslun, 2. febrúar 16:07

Samuel heiti ég frá ice Fashion .

viltu sauma þitt eigin merki föt ? ég get hjálpa þér

við eigum saumastofa sem gerir alt frá A til Z með logo alt .

ef þú att ahuga hafðu samband

eg er i frakklandi ,

bk

samuel

Ég svaraði samstundis.

Titill: Hæhæ

Frá: Tískublogg, 2. febrúar 16:22

Sæll Samúel og þakka þér kærlega fyrir bréfið!

Ég hef raunar afar mikinn áhuga á því að sauma mín eigin merki í föt.

Ég sé fyrir mér eitthvað sem líkist beikoni við fyrstu sýn, en reynist við nánari skoðun vera eitthvað annað og meira, a.m.k. í augum þeirra sem búa yfir næmi og siðfágun.

Hvað myndi slíkt lógó kosta?

Ég er á Íslandi.

xoxo

-h

Titill: Hæhæ

Frá: IceFashion Netverslun, 2. febrúar 16:25

hæhæ

tak fyrir aðð svara . sko ég er fata skerari og honnuður .

og eigi eigin saumastofa i evropu .

og plus við getum gert alt

logo . sem setur bæði inni föt . kassa merki utan fot fyrir verð

bua til snið - plus Gradation -

og alt sem anar kemur með

eg er að koma til island á morgun kvold þá getur hafa samband við mig ef þu vilit

eg er að stopa i nokkra dagar eingongu .

bk

samuel gsm. 8457869

Titill: Hæhæ

Frá: Tískublogg, 2. febrúar 19:37

Hæ,

Hvað kemur Anar með?

Og getur þú vinsamlegast sent mér lógótillögur svo ég geti borið þær undir kettina mína? Þeir eru listrænir stjórnendur Tískubloggsins og vilja hafa klærnar í öllum ákvörðunum.

xoxo

-h

Titill: Hæhæ

Frá: IceFashion Netverslun, 3. febrúar 11:27

hæ reyndar það get ég ekki gert logo ............. það er frekari auyglisniga stofu vinnu . okkar viðskiptamen gefur okkur tilbuin logo og við gerum

Merki ur polyester eða ployamide efni með eða silkiprent eða embrodery.

reyndar varðandi honunn . það lika er nog fyrir okkur að gefa mér mynd af td kjol sem þér likar og við gerum eins .

eg er að fljuga heim i kvold

á morgun getur ringt i mig ef þu vilt ,

bless

8457869

Sönnunargagn #1. Smellið til að stækka.

Sönnunargagn #2. Smellið til að stækka.

Ég hringdi ítrekað í hann daginn eftir en það svaraði aldrei.

Þar fór draumur minn um að sauma mín eigin merki í föt, en ég get þó allavega sagt með stolti að þegar kom að því að hrökkva eða stökkva hafi ég þó að minnsta kosti reynt að láta drauma mína rætast.

xoxo
-h

Tískubloggið kíkir í fataskápinn hjá kynlífsbloggaranum og stórstjörnunni Fanneyju Mango

Hola lovers,

Einsog sjóaðir lesendur tískublogga vita er í tísku að fá að kíkja í fataskápinn hjá hinni og þessari tískudrósinni. Tískubloggið vill að sjálfsögðu ekki vera eftirbátur annarra (og verri) tískublogga og því fékk Tískubloggið, eftir töluverðar fortölur þó, að kíkja í fataskápinn hjá kynlífsbloggaranum alræmda Fanneyju Mango. En hún heldur úti hispurslausri síðu: fanneymango.blogspot.com og hefur vakið athygli á heimsvísu fyrir skrif sín.

Við gefum Fanneyju orðið.

***

Hæ, dúfurnar mínar.

H vildi endilega að ég myndi sýna ykkur inn í fataskápinn minn, enda margt merkilegt þar að sjá, en ég hafði mínar efasemdir um það. Ástæðan er sú að ég vil alls ekki að mitt raunverulega nafn (eða andlit) verði birt á netinu. Það er vegna þess að ýmislegt sem ég skrifa um gæti sært blygðunarkenndir vina eða fjölskyldu minnar. (Ókosturinn er samt sá að fjölskyldumeðlimir gætu lesið bloggið mitt og heillast af mér. Það kom einmitt fyrir frænda minn sem sendi mér nokkuð ósiðsamlega mynd um daginn). En það liggur meira fyrir. Ég er nefnilega ekki aðeins þjóðþekktur einstaklingur heldur er ég þekkt á heimsvísu! En, eftir nokkura umhugsun ákvað ég að sverta fyrir andlit mitt og leyfa h að kíkja í skápinn minn. Hér kemur það:

Hér er árituð mynd af mér og samstarfsfélaga mínum. Hún er líka algjör skvísa. Undirfötin eru keypt í La Senza og butt-beadsin í Rómantík.is.

Þessi mynd er nokkuð kasjúal og fellur vel inn í Tískubloggið. Ég saumaði þetta sjálf, brækurnar úr bol og bolinn úr brókum (fékk einn stóran næturgest til mín eina nóttina sem gleymdi nærbuxunum sínum, win/win).

Ég á japanska vinkonu sem gerði þennan oregamibol. Ég nota hann mikið á djamminu.

Bolur úr ekta samkynhneigðum sebrahesti.

Langalangalangaafi minn átti þennan fína hirðskáldabúning. Ég fer stundum í hann þegar mér líður illa, hressist öll við!

Neglurnar málaði ég alveg sjálf! En sokkabuxurnar ófu blindar kaþólskar nunnur í Sádi-Arabíu.

Rokkfest 2009. Ég, megahörð á því. Jakkinn er úr leðri en stígvélin úr latexi. Ég var að reyna að koma brækur-utan-yfir tískunni í gang en það hefur enn ekki gengið hjá mér.

Þetta föndraði ég fyrir Hrekkjavökuna 2008. Ég var slutty-predator.

Þennan gerði japanska vinkona mín eftir að hún byrjaði að nota spítt. Ég mæli ekki með því, átti enga skó sem pössuðu við.

Nágranni minn var að útskrifast úr hönnun og gerði svona fín föt fyrir mig og litla voffann minn. Hann elskar að vera í þessu.

Ég mátaði þetta sérstaklega fyrir Tískubloggið. Þetta verða jólafötin í ár. Keypt í Blómavali.

Það eru engin jól án vajazzle. Fór kannski yfir strikið, en engu að síður mjög fallegt.

Vonandi hef ég náð að fela andlit mitt nógu vel, en ef ekki vil ég biðja ykkur kæru lesendur um að halda þessu litla leyndarmáli út af fyrir ykkur.

Gangi ykkur annars vel að snyrta ykkur og klæða fyrir jólin!

Ást og kynlíf,
Fanney Mango

for my international readers

[Undanfarið hef ég verið afar, afar upptekin við að fylgjast með tískuvikunum í New York og London. Því hef ég vanrækt þessa síðu. En ég hef tekið eftir því að þó nokkur fjöldi lesenda minna er búsettur erlendis, og því hef ég ákveðið að skrifa eina færslu handa þeim. Nú er ég ekki mjög sleip í ensku, en ég fann þetta hérna undraverða tæki.]

Pit lovers,

Here are the questions that I think the focus remains on the lips you all. Enjoy a whole.

How was it that you decided to become a fashion blog?

Like I mentioned in my first post then I found a significant lack of fashion blogs on the internet.

How did you get interested in fashion?

It happened when I was about nine years old and my dad was working curtains made of white tjulli.

What are your favorite fashion labels and fashion garments ads?

It'sa difficult question! I think I must say that socks are my favorite garments, and I find it much more fun to mix different socks. So I come as a surprise to people and get it to revise prior ideas about dress code. And the successful challenge to I have already thinking about the beauty of people. Then my goals achieved. I am also very impressed by the broad pajamas (which need to be very widely in the waist (but tedious complication of excessive Siddall, however, that I lack with the fence on top (irregular socks (which could actually call my signature look))). I am also impressed by the wide bodies, and wears a lot garments from my girlfriend, but he is very considerably larger than me, which suits me just fine.

Are you starting to have livelihoods of the blog?

No, not yet. But my hopes are that soon enough I get many readers to be able to sell advertising. I can say my job and live free of my writings. I'm also still waiting for the clothing manufacturers begin to send me a free garments, and I'm waiting too excited by that some media will see the benefit in paying me and óaðfinnalegri fashion consciousness memory before going on all the fashion weeks the world, and write about major fashion events.

Now seen on your blog that you have two cats. Would you say that it is fashionable to have two cats?

Without hesitation. The cats may not be how that is. I chose my in terms of how well the coat their skin color would suit my complexion. For example, if a person is dökkhærður and blue eyes like me, then is it bad to have rauðbröndóttan or cream colored cat. The colors simply do not fit together, and it appears you will folate and low saree, than you should for example black or gray cat.

Something eventually?

Fashion forever, amen.

xoxo

-h

gerðu góð kaup / mig langar í...

Kæru aðdáendur,

Ég veit þið hafið gaman af því að versla. Og ég vildi benda ykkur kurteislega á að það er oft hægt að gera mjög góð kaup á sumarvörum á haustin. Ég mæli því eindregið með því að þið dragið fram visakortin og kaupið ykkur sandala, sólarvörn og grilltangir núna og verðið við öllu viðbúin næsta vor.

Ég er búin að ætla að kaupa sundföt á kettina lengi, en er eiginlega fegin að ég hafi hummað það fram af mér í sumar, því það þýðir að ég get gert miklu betri kaup núna, og jafnvel keypt nokkur svo þeir hafi til skiptanna.

Það eru reyndar ekki til nein sundföt á ketti, sem mér þykir alveg með ólíkindum, en aftur á móti er þokkalegt úrval af sundfötum ætluðum smáhundum. Ég held ég komist alveg upp með að klæða þá í þau, því það er ekki svo mikill stærðarmunur. Og ég er tískulöggan í mínu umdæmi, auk þess að leggja línurnar í því hvað er inn í klæðaburði hverju sinni, þannig að það fer held ég enginn að fetta fingur útí þessa djörfu tískuákvörðun.
Og svo er að sjálfsögðu miklu betra að þeir séu a.m.k. í einhverjum sundfötum, frekar en að þeir séu berrassaðir.

Er búin að skoða þetta nokkuð grundigt og ég er hrifnust af þessum stílum:

Haldiði ekki að þeir muni taka sig vel út?

Skal setja inn myndir þegar herlegheitin berast í hús.

Er líka búin að vera að skoða sundföt fyrir sjálfa mig og er að hugsa um að splæsa í þetta gordjösslega retró beikon & eggja bikíni.

Er það fab eða er það fab?

xoxo
-h

ef ég ætti hænu...

...þá myndi ég eingöngu klæða hana í föt frá þessum hönnuðum.

Á síðunni má finna eftirfarandi leiðbeiningar.

How to put it on:

• Watch out for the feathers when you close the zipper.
• Variability in the crotch enables freedom for the legs.
• Carefully rotate your chicken’s wing and then simply pull it through the tailored wing opening.
• Wash your suit at 30°C. No spin cycle or ironing necessary.

Your chicken will love you.

xoxo

-h 

bjarnatíska

Einsog gefur að skilja les ég mikið af tískubloggum. Og ég les svolítið af hinsegin (og óæðri) bloggum líka. Þið getið því ímyndað ykkur gleði mína þegar ég komst að því að Allie Brosh, sem skrifar prýðilegt hinsegin (og óæðra) blogg, væri líka með vikulegt tískublogg fyrir The Gloss.

Í tilefni dagsins vildi ég því benda ykkur á þessa færslu . Hún fjallar um grennandi föt fyrir birni.

Mynd: Allie Brosh.

xoxo
-h

váleg tíðindi úr tískuheiminum

Ég las sjokkerandi frétt á tískubloggi um daginn. Hún staðhæfði að konur væru nú í auknum mæli farnar að velja þægilegar nærbuxur fram yfir óþægilega g-strengi.

Ég skil hreinlega ekki hvað þessum konum gengur til, því hver velur þægilegar nærbuxur þegar hægt að kaupa sér viðlíka flottheit:

Það er líka leiðinlegt að þetta gerist þegar nærfataframleiðendur eru nýbúnir að þróa nýja kynslóð af þessum elskum. Hlýralaus g-strengur (eða c-strengur einsog hann er einnig kallaður) finnst mér frábær viðbót við flóruna.

Það er líkara sárara en tárum taki að stíllinn sé á undanhaldi nú rétt eftir að hann var farin að höfða til tískumeðvitaðri karlmanna.

Þessi er samt uppáhaldið mitt, og mér er skítsama hvað öll tískublogg segja, ég ætla að halda áfram að nota hann.

xoxo
-h

tíska framtíðarinnar

Mér finnst það einhvernveginn svo hughreystandi tilhugsun að það sé þegar búið að hanna tísku framtíðinnar. Þá þarf maður ekki að hafa endalausar áhyggjur af því að vera með puttann á púlsinum og vera áskrifandi að tískublöðum, heldur getur maður bara sett einhverja War Trek eða Far Wars mynd í tækið og séð það sem koma skal.

War Trek gerist í mjög náinni framtíð (eða á næstu 10 eða 15 árum), á meðan Far Wars er aðeins lengra fram í tímann (sirka 80-90 ár).

Hér eru nokkur sýnishorn af tísku framtíðarinnar.

War Trek:

Samkvæmisfatnaður framtíðarinnar.

Kasjúal klæðnaður.

Klæðnaður verkfræðinga.

Spariföt framtíðarinnar.

Giftingarsamfestingur.

Það sem koma skal í lýtalækningum.

Það verða líka hundar í framtíðinni - og þeir verða svona klæddir.

Far Wars:

Pelssamfestingur með áfastri húfu.

Pollagalli.

Svona munu spjátrungar framtíðarinnar klæða sig.

Einkennisklæðnaður stjórnmálamanna.

Lögreglubúningur úr framtíðinni.

Viðeigandi klæðnaður þjóðhöfðingja.

Hundatískan eftir 90 ár.

Sjáumst í framtíðinni - svona klædd!

xoxo
-h

mig langar í...

Eftir að ég ákvað að ættleiða þá get ég ekki hætt að skoða barnaföt á netinu.

Og ég er búin að finna það fyrsta sem ég mun kaupa á mitt barn; háhælaða ungbarnaskó!

Bleikir og fínir

Háhæluð stígvél eru náttúrulega möst.

Þeir fara svo vel á fæti

Pæja

Fashionista

Fierce

Tilbúin að skella sér útá lífið

Ég elska háhælaða skó og finnst eðlilegt og sjálfsagt að þeir séu nú í boði í ungbarnastærðum. Enda tel ég að það sé aldrei of snemmt að skilgreina kornabörn sem kynverur og klæða þau í fatnað sem hefur kynferðislegar skírskotanir, sbr. þetta sjóðheita ungbarnabikiní: 

x0x0
-h