daily bobsession!

"Utah" Bob Thompson.

xoxo

-h

átfitt dagsins

Peysa: Keypt á útsölu í Svíþjóð árið 2005.

Bolur: Keyptur á útsölu í Smáralind.

Buxur: Af kærasta.

Sokkar: Samstæðir, aldrei þessu vant, af kærasta.

Hár: Óþvegið.

xoxo
-h

öppdeit!

Nýjustu fregnir herma að það er aksjúllí hægt að koma í veg fyrir hrukkur í andliti með þessum einföldu og þokkafullu æfingum:



xoxo
-h

H*O*T*N*E*S*S

Já, ég veit að ég er búin að skrifa um hann áður, en ég fæ bara ekki nóg af þessu rússneska kyntrölli.

Vladimir Putin, í öllu sínu veldi:

Flottur.

Karlmannlegur.

Hann kann að fara með byssur.

Hér er hann með tígrisdýri sem hann skaut.

Ísbjörn sem hann skaut.

Á leiðinni að skjóta hval með lásboga.

Að fljúga flugvél á leiðinni að slökkva skógarelda.

Putin að sigla kafbáti.

En hann á sér sínar mjúku hliðar. Hér gefur hann móðurlausum elgskálfi pela.

HOTNESS!

Fjúff það liggur bara við að maður skelli sér til Kreml.

xoxo
-h

viltu losna við hrukkur? - 100% náttúrulegur avókadómaski

Hrukkur eru (næstum því) óhjákvæmileg afleiðing af því að eldast.

Eina fólkið í heiminum sem sleppur við þessar hörmungar eru asískar konur. En hvað eigum við hinar að taka til bragðs?

Tískubloggið lumar á nokkrum óbrigðulum ráðum:

1. Ekki fara út þegar sólin skín.

2. Ekki fara út þegar það er kalt.

3. Ekki fara út þegar það er vindur.

4. Kauptu alltaf dýrustu kremin í flottustu umbúðunum - þau eru best.

5. Slepptu allri andlitstjáningu. Ekki lyfta augabrúnum í spurn þegar þú ert hissa, ekki hrukka ennið þegar þú hefur áhyggjur eða skilur ekki eitthvað (enda telja karlmenn að undrun yfir að skilja ekki eitthvað sé hið eðlilega og náttúrulega ástand konunnar, svo það er í raun óþarfi að gefa þessar tilfinningar til kynna). Ekki brosa og hvað sem þú gerir skaltu alls ekki hlæja. Reyndu að finna einhverjar látlausari og minna hrukkuvaldandi leiðir til að tjá gleði þína og aðdáun, einsog að kreista ástúðlega upphandlegginn á viðmælanda þínum eða lúta höfði, líta svo upp og brosa með augunum (án þess þó að kipra þau, því það getur einnig valdið hrukkum).

Að auki vill tískubloggið deila með ykkur uppskrift að nærandi andlitsmaska sem kemur í veg fyrir hrukkumyndun.

Innihald:

Eitt avókadó.
Einn laukur.
Tvö ferskt chillí aldin.
Tvær matskeiðir gróft sjávarsalt.
Paprikuduft á hnífsoddi.
Þrjár teskeiðar af sítrónusafa.

Aðferð:

Saxið laukinn og chillí aldin afar smátt, stappið öllu saman og látið standa í kæli í 30 mínútur fyrir notkun.
Berið síðan maskann á andlitið og yfir augnlokin og bíðið í tvær klukkustundir. ATH að þið gætuð fundið fyrir örlítilli brunatilfinningu á augnlokunum, en það er bara chillíið að smjúga inní hrukkurnar og slétta þær innanfrá.

Ég mæli með því að þið notið þennan frábæra maska a.m.k. daglega.

xoxo
-h

mig langar í...

Nú fer bráðum að koma haust. Og á eftir hausti kemur vetur, og á veturna frystir stundum. Þá getur myndast hálka sem hættulegt er að ganga í á flatbotna skóm.
Því er tilvalið að skóa sig upp fyrir veturinn og kaupa sér almennilega hælaskó með góðu gripi, og þumalputtareglan er sú að því hærri sem hællinn er, því betra er gripið í sólanum. Því hællinn virkar einsog einskonar mannbroddi svo þú nærð góðum stöðugleika í hverju skrefi.

Ég er aðeins búin að vera að windowsjoppa á netinu og mig langar mest í þessa:

Og ef ég ætti hest, þá myndi ég skóa hann svona fyrir veturinn:

...oooog ég veit að þessir eru ekki með háum hælum, en mig langar samt í þá:

xoxo
-h

daily bobsession!

Bob Bacon.

xoxo

-h

gestapóstur - 5 leiðir að heilbrigðum skilnaði

Sæl h,

Mig langaði að tala um góðar leiðir að heilbrigðum skilnaði.

Flestir þekkja þessar óþægilegu tilfinningar sem hellast yfir mann þegar sambandsslit eiga sér stað.

Sérfræðingar hafa flokkað þær niður í 5 þrep eða hin svokölluðu „skilnaðarþrep“.

Á minni lífsleið hef ég lært ýmsar aðferðir til að auðvelda manni að stíga þessi skref og mig langaði að deila þeim með ykkur frábæru lesendum.

Þrep 1: Sorg

Rétt eins og þegar einhver deyr þá hellist yfir mann sorg. Í rauninni mætti segja að hér sé einnig um dauðsfall að ræða; sambandið deyr. Besta leiðin til að díla við sorgina er tattú og líkamsgötun. Ég hef fengið mér ótal tattú og göt, hér og þar um líkamann. Þau minna mann á að þú lifir aðeins einu sinni og mátt gera hvað sem þú vilt við líkamann þinn. Hér eru mín uppáhalds:

Margar konur sökkva sér í „comfort food“ en það er afskaplega slæm hugmynd. Margar ykkar hafa staðið ykkur að því að gráta fyrir framan spegilinn með Ben&Jerry‘s, ef til vill með vinkonu í símanum.

HÆTTIÐ ÞESSU! Þið verðið feitar og það verður mun erfiðara að taka næsta skrefið:

Skref 2: Gredda

Ef þið eruð í eðlilegu sambandi og stundið eðlilega mikið af kynlífi þá er oft erfitt að hætta allt í einu. Þetta skref tekur parið oft í sameiningu með svokölluðu „break-up sex“. En eins og kom fram má ekki gleyma sér í kaloríunum og verða feit. Hann vill þig ekkert þá.

Aðeins má stunda break-up sex einu sinni eftir að slitið hefur verið samvistum en báðir aðilar þurfa að gera sér fulla grein fyrir því að aðeins er um eitt skipti að ræða. Ég hef eina ljóta sögu af því:

Þetta er Alexander, fyrrverandi kærasti minn sem sagði við mig í miðjum klíðum að þetta væri break-up sex en ekki make-up sex. Ég hellti yfir hann kertavaxi og klóraði ofurlítið í hann. Svo reyndi hann að kæra þetta. Hann var nú meiri rugludallurinn. Lol-krossinn er eftir hann.

Skref 3: Reiði

Þetta er mitt uppáhaldsskref. Hægt er að gera hina og þessa hluti við gamla kærastann og kenna honum um allt. Ég hef til dæmis: Klippt alla vasa úr fötunum hans, eytt öllum mikilvægum skjölum úr tölvunni (þ.á.m. kláminu), kveikt í þeim fötum sem ekki höfðu vasa til að klippa úr, sofið hjá pabba hans, sofið hjá bróður hans, stolið kreditkortinu hans, farið í brjóstastækkun til að sýna honum hverju hann er að missa af, sagt frá hans ljótustu fantasíum og eitt sinn birti ég andlát hans í dánarfregnum Moggans.

Athugið að strákar nota oft leyniorð svo enginn finni klámið þeirra en hér eru nokkur algeng: Porn, pron, p0rn, pr0n, jenna jameson, audrey bitoni, shyla stylez, lisa ann, rachel starr, diamond kitty, nikki benz.

Skref 4: Spólgredda

Þið hafið eflaust heyrt um að vera „spólgraður“ (þekkið það eflaust líka). Það er einmitt þetta skref. Hér dregur vitið sig í hlé og líkaminn tekur völdin. Flestir þekkja hugtakið „rebound“. Rebound er manneskja sem þarf að taka á sig allt það kynferðislega sem og andlega ójafnvægi sem hlaðist hefur upp á meðan þú tekur skrefin 5. Með einu litlu og þýðingarlausu sambandi nærðu bæði botninum og að reisa þig aftur við. Eins og sjá má á skýringarmyndinni hefst uppleiðin hér.

Hvernig á að velja rebound: Fáðu einn notaðan frá vinkonunum því þú verður að fá meðmæli. Þau eru mjög mikilvæg því maðurinn þarf að geta uppfyllt þau skilyrði sem þú setur honum. Til dæmis set ég mörkin mjög hátt í úthaldi, typpastærð og gjafmildi.

Að þessu litla ljóta sambandi loknu geturðu farið að gleyma þessum heilalausa bastarði sem kom þér þangað niður. Þú byrjar að huga aftur að því að ná þér í nýjan:

Skref 5: Endurreisnin

Reistu þig við. Nú er komið að nýjum kærasta. Ef þú ert að lesa þetta hérna á Tískublogginu ættir þú að þekkja „14 leiðir til að grennast“ sem kom út 23.08.’10. Þar má finna heilan helling af góðum ráðum. Mín uppáhalds eru:

5. Ekki borða neitt sem er rautt, grænt eða brúnt á litinn.

7. Neyttu allra máltíða nakin fyrir framan spegil.

13. Aldrei fara södd að sofa.

Það er bara voðalega mikið vit í þeim.

Önnur góð aðferð er að læra nýtt tungumál. Ég lærði til dæmis víetnömsku þegar við Vilhjálmur hættum saman (okkar samband spannst út frá skrefi 3 þegar ég var að gera son hans (og fyrrverandikæróinn minn) afbrýðisaman).

Svo, einn góðan veðurdag, þegar við verðum allar ógeðslega hot og mjóar, finnum við okkar Brad Pitt og ættleiðum börn að eilífu!

Þín, Fanney Mango

mig langar í...

Þennan bol.

Þennan leðurjakka.

Þetta pils.

Þennan bol.

Svona hjálm.

Svona kjól.

Þessar stuttbuxur.

Og þennan bol.

xoxo
-h

daily bobsession!

Bob Michael.

xoxo
-h

gestapóstur - brúðkaup

Hæ, Lilja hérna aftur með gestapóhóhóóóst.

Ég var í brúðkaupi hjá vinkonu minni um helgina og það var GEÐVEIKT. Ég er bara í fashion-vímu og verð sennilega langt fram á haust! Vinkona mín er óperusöngkona og því auðvitað alltaf klædd samkvæmt nýjustu straumum og stefnum. Hún var í ógeðslega smart design-kjól frá íslenskum hönnuði (nafnið er stolið úr mér, byrjar á A) og brúðguminn, sem vinnur á næturvöktum í húsdýragarðinum, lét sérsauma á sig fannhvítar glímu-jeggings í Asíu (hann æfir líka sund). Það vildi þó ekki betur til en svo að á ögurstundu skar hann sig á mjaðmabeltinu sem fylgdi buxunum (þvílíkt rómó með nafnið hennar laser-skorið í stál) og þurfti að vera með sárabindi á hendinni í athöfninni. Mér fannst það reyndar bara koma ágætlega út. Ég vil óska brúðhjónunum aftur innilega til hamingju og þakka þeim fyrir innblásturinn. Næsti gestapóstur verður sennilega algjörlega tileinkaður brúðarkjólum!

Brúðhjónin, lukkuleg!

Melluband = Lánsgripur frá móður brúðgumans

Svartur varalitur his/hers = Dior

Fjaðrirnar í kjólnum og hvíta bringuslikjan = Húsdýragarðurinn

Höfuðfat brúðgumans = Victoria‘s secret

-Lilja

14 leiðir til að grennast

Hola lovers,

Hver vill ekki vera mjórri? Tískubloggið kemur hér með 14 einfaldar leiðir til að fá kílóin til að fjúka!

Þessi hefur kosið sér rétta lífstílinn!

1. Slepptu öllu kolvetni. Það þýðir ekkert pasta, ekkert brauð, ekkert morgunkorn og engir ávextir (því þeir eru stútfullir af ávaxtasykri).

2. Ekki borða neitt sem er steikt, soðið eða bakað.

3. Slepptu öllum hvítum sykri, brúnum sykri, kanelsykri, sykurreyr og kandís. Fæðutegundir sem innihalda aspartam (einsog t.d. diet kók og extra tyggjó) eru í lagi, því aspartam er ekki fitandi.

4. Ekki borða neinar mjólkurvörur. Slepptu öllu smjöri, osti, mjólk, jógúrti og skyri.

5. Ekki borða neitt sem er rautt, grænt eða brúnt á litinn.

6. Hreyfðu þig daglega, í að minnsta kosti 120 mínútur. Passaðu að borða ekki tveimur tímum fyrir og eftir æfingar. Bannað að taka lyftur og hreyfa bílinn. Fætur eru til þess að labba með þeim!

7. Neyttu allra máltíða nakin fyrir framan spegil.

8. Aldrei leyfa þér að svindla á mataræðinu, ekki einusinni um jólin eða þegar þú átt afmæli.

9. Ekki borða neinar sósur, þær eru allar fitandi.

10. Ekki borða prótein, því það er byggingarefni vöðva, og vöðvar líta oft út einsog fita úr dálítilli fjarlægð.

11. Slepptu morgunmatnum.

12. Slepptu hádegismatnum.

13. Aldrei fara södd að sofa.

14. Drekktu a.m.k. fjóra lítra af vatni á dag, og ekkert sódavatn með bragðefnum! (Nema það sé aspartam).

Og ég tek það fram að þetta er ekki bara megrunarkúr, heldur lífstíll. Farðu eftir þessum einföldu þumalputtareglum og ég lofa því að árangurinn lætur ekki á sér standa!

xoxo
-h

daily bobsession!

Bob Dole.

xoxo
-h

tíska framtíðarinnar

Mér finnst það einhvernveginn svo hughreystandi tilhugsun að það sé þegar búið að hanna tísku framtíðinnar. Þá þarf maður ekki að hafa endalausar áhyggjur af því að vera með puttann á púlsinum og vera áskrifandi að tískublöðum, heldur getur maður bara sett einhverja War Trek eða Far Wars mynd í tækið og séð það sem koma skal.

War Trek gerist í mjög náinni framtíð (eða á næstu 10 eða 15 árum), á meðan Far Wars er aðeins lengra fram í tímann (sirka 80-90 ár).

Hér eru nokkur sýnishorn af tísku framtíðarinnar.

War Trek:

Samkvæmisfatnaður framtíðarinnar.

Kasjúal klæðnaður.

Klæðnaður verkfræðinga.

Spariföt framtíðarinnar.

Giftingarsamfestingur.

Það sem koma skal í lýtalækningum.

Það verða líka hundar í framtíðinni - og þeir verða svona klæddir.

Far Wars:

Pelssamfestingur með áfastri húfu.

Pollagalli.

Svona munu spjátrungar framtíðarinnar klæða sig.

Einkennisklæðnaður stjórnmálamanna.

Lögreglubúningur úr framtíðinni.

Viðeigandi klæðnaður þjóðhöfðingja.

Hundatískan eftir 90 ár.

Sjáumst í framtíðinni - svona klædd!

xoxo
-h