Einsog þið vitið kannski, þá er kominn desember. Og þið vitið jafnvel líka að í desember eru jólin. Jólin eru skemmtileg, því þá fær maður yfirleitt pakka, en það er líka önnur og myrkari hlið á jólunum, nefnilega jólamaturinn. Því um jólin eru oft jólaboð og jólahlaðborð og jólamáltíðir og jólasmákökur og súkkulaðijóladagatöl og jólabjór og jólaöl og svo mætti lengi telja.
Ég ætla rétt að vona að þið farið sem flest eftir lífstílsráðunum mínum, sem er einmitt vinsælasta færslan á blogginu frá upphafi, enda þrautreynd aðferð við að halda sér mjórri, sætari og heilbrigðari en ella.
En það getur verið erfitt að fylgja þessum einföldu þumalputtareglum yfir hátíðarnar, eða einhverju mataræði yfir höfuð, einsog kollegi minn hún Marta María bendir á í þessari færslu hér. Hún kemur enda með nokkrar ráðleggingar til að berjast við fituskrímslið, en betur má ef duga skal og því koma hér sérstakar desemberráðleggingar Tískubloggsins um hvernig á að halda sér mjórri - þó það séu jól.
Þegar maður fer í jólaboð eða jólahlaðborð er mikil hætta á því að rekast á eitthvað matarkyns sem ekki er leyfilegt að borða, skv. lífstílsreglum Tískubloggsins. Sem dæmi mætti nefna síld (prótein), rúgbrauð (brúnt), kartöflur (kolvetni), appelsín (ekki með aspartam), mandarínur (ávöxtur), salat (grænt) og margt, margt fleira.
En þar sem ég er kurteis manneskja að eðlisfari þá finnst mér óþægilegt að fara í matarboð og fúlsa við öllu sem mér er boðið upp á. Ég bregð því á það ráð að lauma lítilli Tupperware krukku í töskuna mína áður en ég fer í boð eða út að borða, og svo smakka ég á öllu og bregð mér einfaldlega afsíðis (á klósettið, eða lauma mér inní fataskáp, ef það er upptekið) og æli í krukkuna. Svo sting ég henni aftur í töskuna, fer aftur fram og held áfram að mingla, fullviss um að ég muni ekki bæta á mig einu einasta grammi.Þetta gæti ekki verið auðveldara! (En ég mæli eindregið með því að þið fáið ykkur (sykurlaust) tyggjó eftir uppsölurnar, því tyggjó er líka meinhollt - enda stútfullt af aspartami)
Þegar ég kem heim set ég æluna yfirleitt á blómabeðið úti í garði, því þetta er fínasti áburður og líka einstaklega umhverfisvænn. Það er líka mikilvægt að hlúa vel að jurtunum í frostinu, og í anda jólanna. Svo þvoiði bara Tupperware krukkuna og þið getið notað hana aftur og aftur. Ég er búin að eiga mína í fjögur ár og hef notað hana mikið um hátíðirnar og það sér ekki á henni. Enda eru Tupperware-vörur gæðavörur.
Hráefni:
1/4 l volgt vatn
1/4 l kalt vatn
3 1/2 dropar sítrónusafi
5 matskeiðar rauður matarlitur
8-9 ísmolar
Aðferð:
Settu allt í mixer, helltu síðan í fallegt glas og njóttu.
xoxo
-h
Hver er tilgangurinn með því að láta heiminn vita að þú ert með átröskun?
ReplyDeleteSnilldardrykkur! Ég er einsog ný manneskja eftir að hafa blandað mér hann í morgunsárið, svo er hann líka svo jólalegur!
ReplyDelete-Sara
semsagt þú ert að hvetja til þess að maður svelti sjálfa sig?
ReplyDeleteþað eru aðrar heilbrigðari leiðir til að grennast..
þetta er grín, right?
ReplyDeleteÞað er vitað mál að allar konur eiga og vilja vera grennri en þær eru og sést það m.a. berlega í efnistökum flestra miðla sem eru hugsaðir fyrir konur og ungar stúlkur, og þeirra á meðal er að sjálfsögðu Tískubloggið.
ReplyDeleteÞví einsog pistlahöfundur og álitsgjafi Bleikt.is um hvað karlmenn vilja nefndi réttilega, þá er kona sem er yfir 55 kg að þyngd raunar sjónmengun og ofbeldi (nema þær séu mjög stórbeinóttar, sem mér finnst samt heldur hæpið).
Það er reyndar sjálfsögð tillitsemi við umhverfið af hálfu kvenna að gæta þess að vera undir kjörþyngd, og þessi aðferð sem nefnd er hér að ofan hefur reynst mörgum vel til að ná af sér kílóum, og á því jafn mikinn rétt á sér og ráðlegging Mörtu Maríu um að allar konur eigi að forðast það einsog heitan eldinn að panta sér pítsu og borða súkkulaði og smákökur.
Því einsog allir vita þá mega konur aldrei hætta að hugsa um línurnar, gleyma megrunininni og borða bara það sem þær langar í - alveg sérstaklega ekki um hátíðirnar.
Þetta er fáránlegt.
ReplyDeleteEf þú hefur þessar brengluðu hugmyndir um heilsu, ættirðu að halda þeim fyrir sjálfa þig.
Það er satt það sem þú segir að konur hugsi mjög mikið um líkamsvöxt sinn og að oft er gert ráð fyrir að allir sé grindhoraðir.
En þess vegna ætti maður einmitt ekki að ýta undir svona hugsunarhátt, með ráðleggingum eins og þínum, þ.e.a.s. að borða ekki neitt.
Það er mjög auðvelt að grennast einfaldlega með hollu matarræði og hreyfingu. En maður ætti alls ekki að skerða magn matarinns sem maður borðar.
Ég ætla því rétt að vona að þetta sé grín (sem hefur gengið allt of lang) og enginn taki ráðleggingar þínar alvarlega.
Ohh ekki aftur þetta með "hollt mataræði og hreyfingu" Ef maður hreyfir sig mikið þá fær maður bara hjúds vöðva og virkar ógeðslega feitur. Ekki flott!
ReplyDeleteþannig þú vilt frekar líta út eins og veikluleg beinargrind? er það flott?
ReplyDeleteAnnað hvort ertu að lesa þetta blogg í fyrsta sinn eða þú ert gjörsamlega ónæm á vissa tegund húmors.
ReplyDeleteSkárra en að vera feitur! Fáránlegt að vera að dissa H fyrir heilsuráðleggingar í feitabollumánuðinum á meðan enginn segir neitt við sjónmenguninni (nema kollegar H sem vita sínu viti). Takk elsku H fyrir uppskriftina, ætla að prófa hana með dætrunum á morgun.
ReplyDeleteJibbí jeij, heppin ég að lesa þetta ekki fyrr en voru komin svona mörg komment. Ég elska fólk sem skilur ekki grundvallaratriði lífsins.
ReplyDeleteFrábær uppskrift takk!!!!
ReplyDeleteVá glatað hvað "sumir" eru afbrigðissamir út í þá sem hugsa um línurnar og heilsuna.
Mesta snilldarráð ever, verst að ég er nú þegar búin að borða yfir mig í 2 jólaboðum..
ReplyDeleteNú svo gæti líka verið sniðugt að hafa annað tupperwarebox og laumað mat í það sem maður þykist hafa borðað og gefið fátækum á leiðinni heim af jólahlaðborðinu.. en muna að fá boxið aftur, því þau eru ekki gefins..
Við konan erum búin að drekka heilsudrykkinn í hvert mál í tvo daga og við erum búin að missa kíló. Hvort um sig! Og kynlífið fékk alveg rosalegt búst eftir að við byrjuðum að drekka þetta. Takk fyrir typpið!
ReplyDeleteEf þið t.d. reykið og enginn annar í boðinu, þá er það tilvalið til að fara út að tappa af. Bara muna eftir boxinu. Nú eða þá bara að bera beint á blómabeðið.
ReplyDeleteTakk fyrir kommentin, kæru aðdáendur!
ReplyDeleteOg takk fyrir ráðleggingarnar, það er greinilegt að þið eruð engir amatörar þegar kemur að megrunum. Ég vil lýsa yfir sérstakri ánægju minni með ráðleggingar Önnu Sig, um að bera á sér tvö tupperwarebox og gefa fátækum að smakka af gnægtarborði lystisemdanna.
Ég vil þó biðja fólk að fara varlega í það og gefa þeim ekki of mikið, því það er náttúrulega tvöfaldur bömmer að vera bæði fátækur og feitur.
Og mikið er ég glöð að brennsludrykkurinn falli í kramið hjá ykkur og bæti samlífið.
xoxo
-h