Vertu betri manneskja en besta útgáfan af sjálfri þér á myndum í janúar

Hola lovers,

Afsakið fjarveruna. Ég hef átt annríkt.

Ég ætla rétt að vona að þið hafið farið eftir laufléttum ráðleggingum mínum um hátíðirnar og ekki fitnað neitt (og helst grennst). En góð vísa er aldrei of oft kveðin, stundum er gott að skipta um tóntegund og því vil ég benda ykkur á nokkrar frábærar greinar sem birst hafa á Smartlandinu, vinasíðu Tískubloggsins, undanfarið. Lesendum mínum til hægðarauka hef ég dregið fram helstu atriði þeirra hér fyrir neðan.

Fyrsta ber að nefna greinina 9 leiðir til að verða besta útgáfan af sjálfri þér, sem ber reyndar svolítið misvísandi titil. Að óreyndu mætti ætla að hún fjalli um hvernig er hægt að verða betri manneskja, en sem betur fer er það ekki raunin. Greinin fjallar um útlit (enda skiptir auðvitað engu máli hvernig manneskja maður er ef maður er sætur). Í greininni má finna uppástungur að níu leiðum til þess að líta betur út og ber þar ef til vill hæst lið nr. 5, Drekktu grænan djús, og lið nr. 8, Borðaðu regnbogann.

Í greininni Vertu betri manneskja á 21 degi má finna ráðleggingar fyrir tvítyngda í fimm liðum. Ég verð reyndar að játa að ég er enn að reyna að komast að því hvað orðin „exchercise“ og „someting“ þýða. Að sama skapi hef ég aldrei séð sögnina „to attent“ í texta áður og viðurkenni jafnframt að orðalagið að „tosast í eitthvað nýtt“ er mér sömuleiðis framandi. En ég veit að Smartlandið á Mbl.is er faglegur og metnaðarfullur vefur sem myndi aldrei birta illa þýtt og óprófarkalesið drasl svo ég geri fastlega ráð fyrir því að vandinn sé, einsog þeir segja, mín megin.

Í 10 ráð til að tækla janúarljótuna er margt bitastætt að finna, en ég vil sérstaklega benda lesendum á liði 4 (Vönduð snið klæða af) og 5 (Hækkaðu þig upp) því einsog allir vita vilja allar konur líta út fyrir að vera bæði grennri og hávaxnari en þær raunverulega eru. Ég bið ykkur samt í guðsbænum um að hunsa algjörlega lið 7 (Falleg nærföt). Ég hef sagt ykkur áður að það er afar mikilvægt að tryggja karlmönnum sem best aðgengi að líkama ykkar öllum stundum og því heillavænlegast að sleppa hreinlega nærfatnaði og spara þeim þannig dýrmætan tíma í samförum sem þeir geta svo í staðinn notað annað hvort í ræktinni eða til þess að bæta forgjöfina.

Margir lesendur hafa vafalítið fengið snjallsíma í jólagjöf og því er vel við hæfi að enda þessa samantekt á því að minnast á greinina 8 ráð til að vera gordjöss á myndum, því einsog segir réttilega í upphafi hennar: „Í allri Instragram-, Twitter- og Facebook-menningunni skiptir máli að líta vel út á öllum myndunum sem vinir þínir eru taka og pósta jafnóðum daginn út og daginn inn.“ Af þessum átta óbrigðulu „leynitrix[um] sem leysa öll heimsins vandamál“ þykja mér tvö bitastæðust: nr. 4 (Skyggðu andlitið vel) og nr. 2, en þar er réttlilega bent á að „[e]f teknar eru af þér litmyndir skiptir mestu máli að hyljarinn sé með bleikum eða ferskjulituðum tónum“ (ath. leturbreyting síðuhaldara).

Gleðilegt ár.

xoxo
-h

Biflía Tískubloggsins, eða hin nýuppgötvaða gullna regla ástarsambands á milli manns og konu

Hola lovers,

Ég er um þessar mundir að skrifa sambandskaflann* í lífstílsbók minni. (Og mér finnst notabene réttast að upplýsa ykkur um nýjan vinnutitil. Hann er ekki lengur Lífstíllinn: Megranir, tíska, Bob & beikon, heldur ákvað ég í samráði við útgefendur mína að vera ögn óræðari og mínímalískari (því það er í tísku) og núverandi vinnutitill er því einfaldlega Hola, lovers.)

Ég myndi ekki ganga svo langt að segja að sambandskaflinn hafi beinlínis vafist fyrir mér, en flestir vita að sambönd eru flókin. En þau eru jafnframt lífsnauðsynleg öllum sem ætla að koma sér á framfæri og öðlast góða stöðu í lífinu.

Um þau gilda margar, flóknar og óskrifaðar reglur. Mér vitanlega hefur enginn reynt að festa þær niður á blað áður og því er ég sannarlega að vinna frumkvöðlaverk fyrir mannkynið einsog það leggur sig (að ógleymdum mannfræðingum framtíðarinnar (sem munu vafalaust þakka mér óeigingjarnt starf mitt og hafa nafn mitt í hávegum löngu eftir að daga mínir eru taldir (og ef ég verð heppin munu þeir jafnvel nefna gallabuxnategund í höfuðið á mér (einsog þeir gerðu fyrir annan (og síðri) mannfræðing)))) og raunar er það hin mesta hneisa að mér hafi ekki að fyrrabragði verið boðin ritlaun í síðustu úthlutun Launasjóðs íslenskra blogglistamanna.

En í sambandskaflanum fjalla ég einnig töluvert um ástarsambandið á milli manns og konu. Það er víðfemt efni og sannarlega af mörgu að taka. En þarsem ég er ekki að frumsemja efnið, heldur er ég, einsog ég nefndi hér að ofan, að rita niður áður óskrifaðar samfélagsreglur, þá vil ég síður líta á mig sem höfund þessa kafla. Hlutverk mitt er frekar í átt við loftnet sem fangar ósýnilegar bylgjur andrúmsloftsins (sem eru þrátt fyrir allt til staðar, þó þið auðnuleysingjarnir komið ekki auga á þær) og þýðir þær yfir í ómþýða tóna í útvarpstæki; yfir í eitthvað sem jafnvel almúgamaður eða -kona fær skilið.

Eiginlega mætti líta á kaflann sem Biflíuna sjálfa, og mig sem Móses (þó ég hefði aldrei klæðst svona ógeðslegum kufli ótilneydd), en hann fann einmitt steintöflurnar með guðs orði og færði þær niður af fjallinu, og til fólksins. Eða, svo ég noti aðra myndlíkingu (sem þið skiljið kannski betur); Ég er líktog hinn nafnlausi ritari sem festi guðs orð niður á bókfell, svo fólk gæti notið þess um aldir alda.

Það ætti því ekki að koma ykkur á óvart, lesendur kærir, að ég hafi komist að því að sambandskafli minn, líkt og Biflían sjálf, hverfist um eina setningu sem bæði súmmerar upp efni verksins í heild sinni en vísar jafnframt útfyrir sig um leið. Því Biflían, og jafnvel hið kristna siðferði einsog það leggur sig, kristallast í einni setningu; Gullnu reglunni, sjá nánar hér.

Í skrifum mínum hef ég nefnilega komist að því að sambandskafli lífstílsbókar minnar, og hið sambandslega ástarsiðferði á milli karls og konu, kristallast einnig í einni setningu**. Hún er:

Vertu undirgefin, annars verður þú yfirgefin.

xoxo
-h

*Sambandskaflinn er ætlaður konum til aflestrar. Karlmenn þurfa, eðli málsins samkvæmt, aldrei að sýna undirgefni.

**Konur, ekki halda að þessi setning nægi ykkur til að þóknast karlmanninum í lífi ykkar.
Til þess að tryggja farsælt ástarsamband við karlmann þurfið þið að kaupa bókina mína.

áramóta-detox-drykkur Tískubloggsins

Hola lovers,

Nokkrir eldheitir aðdáendur Tískubloggsins hafa haft samband og sagt mér að þeir hafi fallið í freistni um jólin og ekki haldið sig við mataræðið sem ég mælti með, sem er náttúrulega fullkomlega óásættanlegt, en ég er skynsöm, fluggáfuð og yfirveguð mannvera, og ég veit að maður byrgir ekki brunninn eftir að barnið er fallið í hann. Neinei, þá þýðir ekkert annað en að setja á sig uppþvottahanskana, sækja prik með beittum króki á öðrum endanum og fiska krakkann uppúr.

Og þannig skuluð þið, sem skortir alla sjálfsstjórn og eruð með svarta samvisku (þið (og ég) vitið hver þið eruð), líta á þennan áramóta-detox-drykk sem uppþvottahanska sem þvær líkama ykkar af syndinni.

Áramóta-detox-drykkur Tískubloggsins

Innihald:

12 ml kalt vatn
11,5 ml hlandvolgt vatn
7,2 ml vatn við stofuhita
3 ferkantaðir ísmolar
4,7 g af skeljasandi
1,35 teskeið af kalkdufti
2 msk aspartam
3 msk grænn matarlitur

Aðferð:

Hellið kalda vatninu í blandara ásamt aspartami og matarlit og setjið kalkið útí og hrærið létt með pískara úr bronsi. Bætið hlandvolga vatninu og skeljasandinum samanvið og hrærið aðeins betur. Látið svo standa í 4 klst. á meðan þið leyfið blöndunni að jafna sig. Bætið þá vatninu við stofuhita við, ásamt ísmolum, blandið þangað til drykkurinn verður þykkur og mjúkur, berið fram í háu glasi, neytið og ég get lofað því að þið munuð bókstaflega finna líkamann hreinsast.

Ykkur er velkomið að setja svona grænt skraut á glasið einsog sést á meðfylgjandi mynd, en munið bara að þið megið ekki borða það, því samkvæmt megrunar- og lífstílsreglum Tískubloggsins er að sjálfsögðu allt sem er náttúrulega grænt harðbannað.

Ég mæli svo með því að þið takið ykkur litla stund í amstri dagsins og þakkið vísindunum í hljóði fyrir að hafa uppgötvað grænan gervimatarlit.

xoxo
-h

Tískubloggið kíkir í fataskápinn hjá kynlífsbloggaranum og stórstjörnunni Fanneyju Mango

Hola lovers,

Einsog sjóaðir lesendur tískublogga vita er í tísku að fá að kíkja í fataskápinn hjá hinni og þessari tískudrósinni. Tískubloggið vill að sjálfsögðu ekki vera eftirbátur annarra (og verri) tískublogga og því fékk Tískubloggið, eftir töluverðar fortölur þó, að kíkja í fataskápinn hjá kynlífsbloggaranum alræmda Fanneyju Mango. En hún heldur úti hispurslausri síðu: fanneymango.blogspot.com og hefur vakið athygli á heimsvísu fyrir skrif sín.

Við gefum Fanneyju orðið.

***

Hæ, dúfurnar mínar.

H vildi endilega að ég myndi sýna ykkur inn í fataskápinn minn, enda margt merkilegt þar að sjá, en ég hafði mínar efasemdir um það. Ástæðan er sú að ég vil alls ekki að mitt raunverulega nafn (eða andlit) verði birt á netinu. Það er vegna þess að ýmislegt sem ég skrifa um gæti sært blygðunarkenndir vina eða fjölskyldu minnar. (Ókosturinn er samt sá að fjölskyldumeðlimir gætu lesið bloggið mitt og heillast af mér. Það kom einmitt fyrir frænda minn sem sendi mér nokkuð ósiðsamlega mynd um daginn). En það liggur meira fyrir. Ég er nefnilega ekki aðeins þjóðþekktur einstaklingur heldur er ég þekkt á heimsvísu! En, eftir nokkura umhugsun ákvað ég að sverta fyrir andlit mitt og leyfa h að kíkja í skápinn minn. Hér kemur það:

Hér er árituð mynd af mér og samstarfsfélaga mínum. Hún er líka algjör skvísa. Undirfötin eru keypt í La Senza og butt-beadsin í Rómantík.is.

Þessi mynd er nokkuð kasjúal og fellur vel inn í Tískubloggið. Ég saumaði þetta sjálf, brækurnar úr bol og bolinn úr brókum (fékk einn stóran næturgest til mín eina nóttina sem gleymdi nærbuxunum sínum, win/win).

Ég á japanska vinkonu sem gerði þennan oregamibol. Ég nota hann mikið á djamminu.

Bolur úr ekta samkynhneigðum sebrahesti.

Langalangalangaafi minn átti þennan fína hirðskáldabúning. Ég fer stundum í hann þegar mér líður illa, hressist öll við!

Neglurnar málaði ég alveg sjálf! En sokkabuxurnar ófu blindar kaþólskar nunnur í Sádi-Arabíu.

Rokkfest 2009. Ég, megahörð á því. Jakkinn er úr leðri en stígvélin úr latexi. Ég var að reyna að koma brækur-utan-yfir tískunni í gang en það hefur enn ekki gengið hjá mér.

Þetta föndraði ég fyrir Hrekkjavökuna 2008. Ég var slutty-predator.

Þennan gerði japanska vinkona mín eftir að hún byrjaði að nota spítt. Ég mæli ekki með því, átti enga skó sem pössuðu við.

Nágranni minn var að útskrifast úr hönnun og gerði svona fín föt fyrir mig og litla voffann minn. Hann elskar að vera í þessu.

Ég mátaði þetta sérstaklega fyrir Tískubloggið. Þetta verða jólafötin í ár. Keypt í Blómavali.

Það eru engin jól án vajazzle. Fór kannski yfir strikið, en engu að síður mjög fallegt.

Vonandi hef ég náð að fela andlit mitt nógu vel, en ef ekki vil ég biðja ykkur kæru lesendur um að halda þessu litla leyndarmáli út af fyrir ykkur.

Gangi ykkur annars vel að snyrta ykkur og klæða fyrir jólin!

Ást og kynlíf,
Fanney Mango

ný og dásamleg skáldsaga Tískubloggsins í smíðum

Hola lovers,

Sawry hvað ég er búin að vera löt að skrifa. Er nefnilega búin að vera bissí að vinna í skáldsögunni minni.

Hún fjallar um íðilfagra, ofurgáfaða og afar hávaxna unga konu sem stofnar lífstíls- og tískublogg á internetinu. Þar mundar hún hárbeitt stílvopn sitt og aflar sér fljótt margra einlægra aðdáenda og síðan öðlast miklar vinsældir um heim allan.

Svo kemst unga konan í kynni við internet einkaspæjara, sem er einnig einlægasti aðdáandi hennar, og fer að hjálpa honum að leysa dularfullar ráðgátur á öldum ljósvakans. Þau hafa aldrei hist augliti til auglitis, en hafa þó deilt sínum innstu leyndarmálum og draumum.

Svo, dag einn, fær unga konan tölvupóst. Í honum stendur:

Ég er fyrir utan.

Kv. Internet einkaspæjari.

Unga konan hleypur út, en kemur hvergi auga á hann. En á götunni liggur samanbrotið símskeyti. Þar stendur:

Ég var fyrir utan. En mér var rænt. Notaðu vitneskju þá er ég hefi kennt þér og bjargaðu mér.

Kv. Internet einkaspæjari.

Og þá fer hún og bjargar honum, o.s.frv.

Ætliði ekki öll að kaupa bókina um leið og ég fæ útgáfusamning, og þrátt fyrir að ég sé hér búin að segja ykkur söguþráðinn og endann?

Ég lofa að það verður fullt af sjálfsmyndum í henni.

Þeir sem kommenta á þessa færslu fá áritað eintak.

xoxo

-h

H*O*T*N*E*S*S

Stimamýktin, tónlistin, limaburðurinn, myndatakan... ég er orðlaus af aðdáun!

xoxo
-h

inspiration dagsins

xoxo
-h

hinn dömulegi lífstíll / the Women's uterus Lifestyle

Hola lovers,

Ég er sífellt að reyna að fullkomna hinn dömulega lífstíl. En það er erfitt, því hann er síbreytilegur og það þarf að fylgjast vel með til að verða sér ekki til skammar, því reglurnar eru alltaf að breytast.

Ég var t.d. að lesa viðtal við Tobbu Marínós, sem er einmitt dömulegasta og penasta núlifandi kona á Íslandi (og því læt ég ekkert sem hún segir nokkurntímann framhjá mér fara), og í viðtalinu sagði hún að hún léti aldrei sjá sig með stóran bjór. Þannig væri einfaldlega ekki dömulegt. Og ef mig misminnir ekki þá talaði hún eitthvað um að konur sem fá sér stóran bjór á almannafæri væru trukkar (sem er ekki jákvætt).

Mig setti hljóða við lesturinn, því stór (þýskur) bjór af krana er einn af uppáhalds þremur hlutum mínum í lífinu. Og ég (sem er afar stórgerð, sterk og breiðvaxin frá náttúrunnar hendi og var strítt afþví að ég var alltaf stærst í bekknum þegar ég var "lítil") hef óafvitandi verið að grafa undan dömulegri ímynd minni öll þessi ár.

Þannig að nú er ég steinhætt að panta mér bjór af krana. Í staðinn panta ég mér (Lite) bjór í flösku og bið um tómt staup með til að hella í og dreypi svo dömulega af. Það er ekki jafn gott og (ekki Lite) bjór af krana, en ég sverti ekki ímynd mína og það er fyrir öllu. Það eina sem ég hef þó svolitlar áhyggjur af er að afþví að staupið er svo lítið, þá líta puttarnir á mér út fyrir að vera mjög feitir þegar ég held á því. Staup eru heldur ekki alveg það dömulegasta í heimi og þessvegna er ég að pæla í að kaupa mér þessi hérna, afþví að þau eru einsog barnafætur og alvöru dömum finnst allt með forskeytinu barna- vera krúttlegt.

Barnastaup eru einsog megrun fyrir puttana!

Ensk útgáfa (fyrir alþjóðlegu lesendur mína) / English version (for my international readers)


Pit lovers,
I'm constantly trying to perfect the Women's Lega lifestyle. But it's hard, because he is ever changing and needs to be carefully monitored to be not ashamed, because the rules are always changing.


I was such To read an interview with Tobba Marino, who is lady legasta and penasta woman living in Iceland (since I leave nothing that says she ever escapes me go), and in the interview she said she gener sooo never see themselves with a big beer.So was simply not actual lady. And if I misminnir not, she said something about women who get a large beer in a public place were trucks (which is not positive).


I put the sound to the reader, the big (German) beer taps is one of my favorite three things in life. And I (who is making a very big, strong and broad built by nature and was teased Cause I was always the largest in the class when I was a "small") have been unwittingly undermining the lady tic image memory all these years.


So now I steinhætt ordered a beer from the tap. Instead, I ordered my (lite) beer bottle and hold on empty with staup to pour in and then pour off. It is not as good as (not lite) beer taps, but I swear not my image and it is for everything. All I have, however little worried is the Cause staupið is so small, you look at my finger like a mega fat when I think of it. Staup are not quite the lady legasta in the world and that is why I am thinking of buying me that here, Cause they're like children's feet and a real lady do everything with the prefix of children being cute.

Staup children are like a diet for your fingers!

xoxo
-h

lífið væri ef til vill öðruvísi

...ef ég hefði fengið að njóta mín í æsku.

Því ég uppgvötaði ekki töframátt fegurðar og tísku fyrren tiltölulega seint, eða þegar ég var um það bil níu ára gömul. Ég gleymi þeirri stundu aldrei. Pabbi hafði verið að sauma nýjar gardínur úr hvítu tjulli og hann gaf mér afganginn til að leika mér með. Fyrst reyndi ég að strengja hann yfir rúmið mitt og ímynda mér að ég væri einhversstaðar í Indókína og fyrir utan væru flugur sem myndu smita mig af malaríu ef þær kæmust undir netið. En ég fékk fljótt leið á því að vera föst uppí rúmi svo ég fór með tjullið og tók mér stöðu fyrir framan spegilinn. Svo fékk ég hugmynd. Ég fór í hvítan slopp og festi tjullið á höfuðið á mér með kennaratyggjói.
Þannig missti ég nokkuð stóran hárlokk úr hvirflinum (því það þurfti að klippa kennaratyggjóið úr hárinu á mér) en þarna fæddust draumar mínir um brúðkaup, og ég hef haldið í meydóminn til að geta blygðunarlaust klæðst hvítu þegar stóri dagurinn rennur loksins upp.

Uppfrá þessu fór ég líka að stelast í rauða matarlitinn í eldhússkápnuum til að bera á varirnar og hef verið afar tískumeðvituð síðan.

Ég vil meina að ég sé með nokkuð háþróað fegurðar- og tískuskyn, en það er hinsvegar alveg klárt að ef ég hefði þjálfað það frá unga aldri væri það ennþá naskara en það er núna. Þessvegna óska ég þess stundum að mamma og pabbi hefðu haft vit á að skrá mig í ungbarnafegurðarsamkeppni. Ég var ekki bara einstaklega fallegt og hæfileikaríkt barn (og hefði þar af leiðandi haft alla burði til að taka þátt í (og vinna) slíka keppni), heldur hefði það snemma veitt mér innsýn í heim fegurðar og tísku, og er viss um að ég hefði kynnst mikið af fólki sem deilir brennandi áhuga mínum á öllu sem þeim heimi viðkemur. Ólíkt æskuvinkonum mínum sem hafa tískuvit á við banana, enda er ég löngu hætt að heilsa þeim ef svo ólíklega vill til að ég rekst á þær útá götu.

Heimur barnafegurðarsamkeppna er töfrandi og ég er viss um að þessar ungu dömur hafa ekki þurft að kljást við jafn margar hindranir á braut fegurðar og tísku og ég. Í mínu tilviki hefur hún verið þyrnum stráð (en það er ein af mörgum ástæðum þess að ég fór að nota hælaskó, því þá eru minni líkur á að fá þyrna annarsstaðar en í tábergið).

Sjáið bara þessar dísir. Þær hreinlega geisla af hamingju.

Ég hef því illan grun um að ef ég hefði fengið að njóta mín í barnafegurðarsamkeppni þá væri líf mitt líka auðugra í dag. Því allar fegurðardísir eignast kórónu og ríkidæmi (og kannski prins (ef þær eru góðhjartaðar)).

Sjáið bara hvað hún er hamingjusöm. Og rík. Og með fína kórónu.

Þeim lesendum sem hafa útlitið með sér og enn eru á barnsaldri og langar að blómsta á alþjóðavettvangi vil ég gefa nokkur ráð. Ég fann ráðleggingarnar á síðunni Princess Protection Rrogram, sem er ein af mínum uppáhaldssíðum, og þær eru mjög gagnlegar. Því miður eru þær á ensku, en þið getið beðið foreldra ykkar um hjálp við þýðingu.

1. SMILE. This is so important but it can be difficult to maintain a natural-looking smile for long periods, so practice and on the day try to relax and enjoy your experience and think about how happy you are to be there.
2. Think about how you hold yourself. Practice walking with grace and confidence, lengthening and slimming your body with good posture. It may help to join a ballet or yoga class to work on this. Yoga will also help with relaxation techniques.
3. Don't waste time comparing yourself to other contestants, focus on getting your best attributes across. Stage presence can be far more important than talent.
4. Never lie during interviews or on any paperwork. Be yourself; you will come across far better if you sound genuine rather than too rehearsed.
5. What is unique about you? Think about what it is that makes you special and build on it. An interesting talent or hobby may make you stick in the minds of the judges.
6. Choose a platform that is genuinely close to your heart. You will be far more passionate if it means something to you and hasn't been chosen simply to impress the judges.
7. Take an interest in current affairs and have an opinion on everything!
8. When choosing your gown, remember the colours and styles that suit you. Cut is also very important. Remember, you are not being marked on the cost of your gown but on how you look in it.
9. Research. Find out as much information as possible about pageants and previous winners prior to the event.
10. Don't give up! If you are unsuccessful at your first pageant don't let it defeat you. Each pageant you attend will improve your confidence and chances of success.

xoxo
-h

naglatískublogg

Inspiration:

Afraksturinn:

Ég er nú bara býsna ánægð með afraksturinn, þó ég segi sjálf frá.

xoxo
-h

váleg tíðindi úr tískuheiminum

Ég las sjokkerandi frétt á tískubloggi um daginn. Hún staðhæfði að konur væru nú í auknum mæli farnar að velja þægilegar nærbuxur fram yfir óþægilega g-strengi.

Ég skil hreinlega ekki hvað þessum konum gengur til, því hver velur þægilegar nærbuxur þegar hægt að kaupa sér viðlíka flottheit:

Það er líka leiðinlegt að þetta gerist þegar nærfataframleiðendur eru nýbúnir að þróa nýja kynslóð af þessum elskum. Hlýralaus g-strengur (eða c-strengur einsog hann er einnig kallaður) finnst mér frábær viðbót við flóruna.

Það er líkara sárara en tárum taki að stíllinn sé á undanhaldi nú rétt eftir að hann var farin að höfða til tískumeðvitaðri karlmanna.

Þessi er samt uppáhaldið mitt, og mér er skítsama hvað öll tískublogg segja, ég ætla að halda áfram að nota hann.

xoxo
-h

mig langar í...

Eftir að ég ákvað að ættleiða þá get ég ekki hætt að skoða barnaföt á netinu.

Og ég er búin að finna það fyrsta sem ég mun kaupa á mitt barn; háhælaða ungbarnaskó!

Bleikir og fínir

Háhæluð stígvél eru náttúrulega möst.

Þeir fara svo vel á fæti

Pæja

Fashionista

Fierce

Tilbúin að skella sér útá lífið

Ég elska háhælaða skó og finnst eðlilegt og sjálfsagt að þeir séu nú í boði í ungbarnastærðum. Enda tel ég að það sé aldrei of snemmt að skilgreina kornabörn sem kynverur og klæða þau í fatnað sem hefur kynferðislegar skírskotanir, sbr. þetta sjóðheita ungbarnabikiní: 

x0x0
-h