Sunday, January 16, 2011

verður staðgöngumæðrun nýjasta tískan?

Hola lovers!

Bloggfærslur um staðgöngumæðrun virðast vera í tísku núna (einsog þær voru að því er virðist líka árið 2007, þið vitið hvernig þetta virkar, tískan fer í hringi) og þarsem Bleikt.is hefur meira að segja birt pistil um málið fannst mér að Tískubloggið gæti ekki látið sitt eftir liggja.

Og Tískubloggið, líktog pistlahöfundur Bleikt.is, er afar hlynnt því að staðgöngumæðrun fátækra gegn greiðslu þeirra ríkari verði lögleidd hér á landi. Að sama skapi finnst mér sjálfsagt að Íslendingar með eitthvað á milli handanna geti nýtt sér líkama fátækra kvenna í þriðja heims ríkjum til barnaframleiðslu, hvort sem konurnar ganga með þeirra börn eða þeir kaupa erfaefnið af þeim í leiðinni líka.

Því það eru mannréttindi ríkra að fá að eignast börn. Þetta er réttur sem ætti að mínu mati að vera bundinn í stjórnarskrá (alveg einsog réttur ófríðra karlmanna til kynlífs ætti að vera bundinn í stjórnarskrá, en það er einmitt ástæðan fyrir því að samfélagið þarfnast vændiskvenna, því einhver verður að fórna sér fyrir öll þessi einmana karlmenni, þeir hafa þarfir, þið vitið).

Þið vitið auðvitað líka að ríkt fólk á peninga afþví að það er betra en fátæka fólkið. Það er gáfaðra, betur innrætt, betur menntað og meira virði, og virði þeirra í veröldinni endurspeglast í efnahag þeirra. Þetta er beisikk kapítalísk kenning, sem fyrir löngu hefur verið sönnuð, og því á ríka fólkið skilið að eignast börn þegar það vill, frekar en þeir sem eru ófrjóir en hafa ekki efni á því að borga fyrir þjónustuna.

Í Vestrænum ríkjum hefur mikið verið rætt um tenginguna sem móðir myndar við ófætt barn sitt og öfugt, en sem betur fer þá þekkist slíkt ekki í þriðja heims ríkjum. Fátækum þykir heldur hvort sem er ekkert jafn vænt um börnin sín og ríku fólki þykir, því fátækir eru svo vanir því að missa þau úr vosbúð og hungri.

Einhverjir hafa bent á að þessar fátæku konur í þriðja heims ríkjum fái kannski ekki að ráða þessu sjálfar, heldur séu það mögulega mennirnir þeirra sem skipi þeim að ganga með börn fyrir annað fólk og hirði svo peninginn sjálfir, en ég sé ekki hvernig það geta verið mótrök gegn staðgöngumæðrun gegn greiðslu. Því einsog allir vita á eiginmaður ávallt rétt á ótakmörkuðum aðgangi að líkama konu sinnar, og hann ræður hvað hann gerir við hann.

Svo er líka einn punktur sem mér finnst alveg vanta í umræðuna, og það er að meðgöngu fylgir gjarnan slit á maga og brjóstum, og það ætti að vera sjálfsagt að konum sem er annt um líkama sinn en vilja samt fjölga mannkyninu standi til boða að fá einhvern til að gera þetta bara fyrir sig.

Eins fylgir því viss áhætta að ganga með barn og það er alltaf ein og ein kona sem deyr við barnsburð, og mér finnst eðlilegt að fólk sem á peninga fái einhvern til að taka áhættuna fyrir sig. (Ég meina, það er ástæða fyrir því að í bíómyndum er fenginn stöntmaður til að leika áhættuatriðin fyrir stjörnuna, því stjarnan er miklu verðmætari einstaklingur. Og stöntmaðurinn er oftast í betri þjálfun líka, og á sama hátt eru þessar fátæku konur í miklu betri þjálfun við að eignast börn.)

Að vísu eru töluvert meiri líkur á því að látast við barnsburð í þriðja heims ríki, en það búa líka miklu fleiri þar en á Íslandi þannig að þeir mega alveg við smá afföllum.

xoxo
-h

25 comments:

  1. Gullkorn af pistlinum á Bleikt.is:

    "Ef ég gæti hugsað mér að ganga með barn fyrir aðra þá myndi ég svo sannarlega gera það"

    :-D :-D

    ReplyDelete
  2. úfff þetta er svo glataður pistill að ég nenni hreinlega ekki að kommenta af viti á hann.

    ReplyDelete
  3. Hræðilegur pistill. Lítið fyndið. Það versta er að sumir munu álíta þetta sannleikann. Skömm að því að þú munt móta álit fáfóðra aðila. Málfrelsi er sorglegt fyrirbæri þegar fólk tjáir sig á þennan hátt, án skynsemi, án raunsæis og með sleggjudómum.

    ReplyDelete
  4. Ef þetta verður leyft, sem ég vona innilega að verði gert. Verður þetta að sjálfsögðu ekki í boði fyrir hvern sem er. Það er búið að funda um það hjá heilbrigðisráðuneiti oftar en einu sinni og það verður aldrei niðurstaðan. Heldur eingöngu ef búið er að ganga í gegnum allan pakkan, og það er öruggt að manneskjan getur líffræðilega ekki gengið með barnið.

    Ég gekk í gegnum glasa pakkann. Þú heldur þá væntanlega að ég hafi gert það út af því að það sé í tísku? Ég les það allavega út úr þessu hjá þér? Og klárlega af því að ég þurfti þess ekki?

    ReplyDelete
  5. Ahh, aðeins of fljótur á mér, sé að bloggið heitir tískublogg, nú skil ég, sumir eru gjarnir á að stökkva á allt sem er vinsælt :)

    ReplyDelete
  6. Fjandinn hafi fáfróða aðila.

    ReplyDelete
  7. Algerlega sammála anonymus nr.2.
    Við verðum að gera okkur grein fyrir tilgangi málfrelsis, þar er ekkert rými fyrir neikvæðar athugasemdir og sleggjudóma. Vörumst að tjá okkur á svo óheflaðan máta. Og að sjálfsögðu verðum við að taka tillit til fáfróðra aðila sem hafa ekki vitsmuni til að greina rétt frá röngu. Það er nefnilega bannað að plata og hvers á heimskt fólk að gjalda?

    Sýnum tillit!

    Hugsið um börnin!

    -Kveðja, kurteisi málhafinn.

    ReplyDelete
  8. ó guð, eruð þið að grínast!?!?!?! þetta er sjúklega fyndinn pistill og augljóslega kaldhæðni!!!! bwahahahah. ég alveg hló upphátt. heimskt fólk má bara gjalda þess að vera heimskt. punktur.

    ReplyDelete
  9. Eiginkona mín vill ættleiða, en ég get ekki hugsað mér að binda tengsl við barn sem er ekki með sömu gen og ég ... hún vill ekki verða ófrísk (getur ekki hugsað sér að þurfa að láta sauma sig ef hún rifnar við fæðinguna) svo við erum búin að gera samning við konu sem ég fæ að hjakkast á þangað til hún verður ólétt. Svo fær hún að sofa á svefnsófa í stofunni svo við getum fylgst með henni (maður vill náttúrlega ekki að hún sé að dópa eða láta einhverja aðra karla ríða sér meðan hún er barnshafandi). Þetta er ekkert svo dýrt, hún var til í að gera þetta fyrir fæði og húsnæði.

    ReplyDelete
  10. sæl. mér finnst þetta frábært innlegg og þeir sem taka bókstaflega það sem þú segir eru eitthvað að misskilja og fatta ekki tvíræðnina í þessu. það þarf einmitt málfresli og tvíræðni og allar hugsanlegar skoðanir til að fjalla um jafnviðkæmt mál og þetta. umræðan um líkama og áhættu konunnar er þörf. þó ekki væri nema það.

    ReplyDelete
  11. Það er erfitt að fjalla um svo viðkvæmt málefni, en hér finnst mér á skemmtilegan og kaldhæðinn hátt fjallað um neikvæðar hliðar staðgöngumæðrunar. Þessi pistill sýnir auðvitað bara aðra hliðina á þessu máli og að sjálfsögðu eru jákvæðar hliðar á því líka. Sjálf er ég ekki búin að mynda mér almennilega skoðun á málinu.
    Flottur pistill!

    ReplyDelete
  12. Ó sumt fólk sem kommentar... L O L

    ReplyDelete
  13. ó þetta er svo satt! Nú er ég að naga mig í handarbökin yfir því að hafa ekki fengið einhverja á bótum til að ganga með barnið mitt, því ég fékk þessi risa slit á magann sem þýðir bara eitt: ALDREI AFTUR BIKINI!! Þetta er sama sem mannorðsmorð og ég mun aldrei aftur svívirða líkama minn með meðgöngu...nei ég fæ e-n fátækling til að ganga með það.

    ReplyDelete
  14. Snilld hjá þér, takk fyrir mig!

    ReplyDelete
  15. Þetta er of gott blogg
    Virkilega flott framtak
    Hló mikið

    ReplyDelete
  16. Að leifa staðgöngumæður getur hugsanlega verið í lagi ef það er ekki á milli landa né í tilgangi þess að forðast útlitsgalla. Einungis ef aðrir möguleikar eru ekki fyrir hendi að eignast barn.

    Í raun er ég að segja ef það er hægt að útiloka að það sé ekki verið að nýta sér neið annarra eða valdaójafnvægi þá gæti þetta gengið.

    Virkilega viðkvæmt mál og flókið... hvað ef parið (einstaklingurinn) vill hætta við að taka að sér barnið, hvað ef móðirin sem fæðir barnið vill halda því? Hvernig er hægt að tryggja hag og réttindi allra, barnsins meðtalið.

    En sammála því að þetta sé góður pistill...

    ReplyDelete
  17. Virkilega góður pistill.

    ReplyDelete
  18. Ég meina.. er þetta brandari? Sko ég skildi ekki þetta fyrsta sem kom beint á eftir byrjuninni en svo skildi ég allt hitt og nú finn ég að þetta nær tökum á mér.

    Af hverju seturðu inn svona fáránlega góða pistla sem ná alveg tökum á hugsunum mínum??
    Ég hef reynt að hugsa margt annað en bara pistillinn þinn er innímér.. Þú nærð alveg tökum á mér og stöff.

    Sko það er ekki heimska sem hrjáir mig, alls ekki. Það er frekar þannig að þegar ég kem úr ljósabekknum þá er ég ekki alveg í fókus. Ég las pistilinn þinn strax eftir ljós. Og nú get ég ekki myndað mér sjálfstæða skoðun.

    En takk fyrir að gera það fyrir mig.

    Þú ert besta bloggvera í heimi :)

    ReplyDelete
  19. Ég er enn að hugsa um góða pistilinn þinn. Ég fór sko aftur í ljós því þær á Bleiku.is eru alltaf svo tannaðar, eins og hún sem var berrössuð í Búlgaríu til að fá tan á rassinn.

    Allavega þá var ég svolítið í þoku eftir ljósin.
    En svo fattaði ég að ég þarf bara að fá svona konu í útlöndum.

    Pistillinn þinn náði svo góðum tökum á mér að ég fékk manninn minn til að hafa samband við konu í Búlgaríu sem ætlar að ganga með barn. Fyrir mig. Eða maðurinn minn talaði sko við manninn hennar. Hann sagði að það væri alveg í lagi. Ég veit ekki alveg hvernig maðurinn minn ætlar að gera þetta enda er hann svo klár í öllu svona. Ég vil bara fá barnið sko.

    Ég vona að það verði stelpa og ég ætla að dúlla við hana og setja í hana slaufu og hafa hana tannaða og sæta. Lítil börn eru svo sæt svona soldið brún. Enda las ég um barn sem fékk beinkröm af því að vera með sólarkrem. Best að vera bara tannaður.

    Takk kæra bloggvera fyrir að breyta lífi mínu :)

    ReplyDelete
  20. Vá, til hamingju með ákvörðunina og verði þér lífsbreytingin að góðu!

    ReplyDelete
  21. Vel gert tískublogga! You go girl!
    Baráttukveðjur
    Hanna Björg Vilhjálmsdóttir

    ReplyDelete